Shumica e njerëzve mendojnë për WordPress si një platformë Blogging por e vërteta është se është një CMS i shkëlqyeshëm që mund të përdoret edhe për faqet e internetit të biznesit.
Në fakt, shumë kompani të mëdha (përfshirë shtëpitë e mëdha botuese) si time.com, sonymusic, techcrunch, searchengineland dhe shumë më tepër përdorin WordPress për të hostuar webfaqet e biznesit dhe bloget e tyre.
Nëse ende po mendoni se cilën platformë të përdorni për webfaqen e biznesit tuaj ose për të startuar, këtu janë 9 arsyet pse duhet të përdorni WordPress.
# 1 – Është një zgjidhje me kosto të ulët, por megjithatë e jashtëzakonshme
WordPress është falas për të shkarkuar dhe instaluar në serverin tuaj. Kostoja e vetme që do të duhet të paguani është për planin e web hosting që do të zgjidhni (WordPress funksionon shumë mirë në planet tona të web hosting). Për më tepër, mund të duhet të paguani për shërbime të zhvillimit ose të dizajnit për të personalizuar pamjen e ndjeshme të webfaqes suaj.
Jashtë kutisë WordPress ka të gjithë funksionalitetin që ju nevojitet për të krijuar faqe të fuqishme të internetit të të gjitha llojeve, me një sistem të integruar të menaxhimit të përdoruesit.
# 2 – Është i lehtë për të azhurnuar
Një nga gjërat që mund të bëhet barrë për shumicën e kompanive është azhurnimi i softuerit të tyre, veçanërisht nëse softueri bazohet në teknologji të vjetër. Një nga avantazhet kryesore të WordPress është se është e lehtë të azhurnohet pa u shqetësuar shumë për prishjen e faqes suaj të internetit ose kohën e nevojshme për të kryer azhurnimin. Backup-imi është gjithashtu i lehtë, kështu që ju keni një mënyrë për t’u kthyer në versionin e mëparshëm në rast se diçka nuk shkon mirë.
# 3 – Është i sigurt
Një konsideratë tjetër e rëndësishme para se të vendosni për softuerin për të blerë ose përdorur është siguria. Me WordPress është e lehtë të zbatosh politikën tënde të sigurisë ose në lidhje me menaxhimin e llogarisë së përdoruesit ose në kufizimin e qasjes në direktorët dhe skedarët e WordPress në mënyrë që të mbash larg hakerët.
# 4 – Është miqësor me SEO
Në ditët e sotme optimizimi i motorëve të kërkimit është më i rëndësishëm se kurrë dhe është e nevojshme që platforma që ju zgjidhni të jetë miqësore me SEO. WordPress njihet nga ekspertët e industrisë si një nga platformat miqësore me SEO dhe bizneset që ekzekutojnë WordPress kanë shumë për të fituar nga ky avantazh.
# 5 – Është i shpejtë dhe i shkallëzuar [scalable]
Kur biznesi juaj rritet, WordPress mund të rritet bashkë me ju. Nëse hostimi shared hosting nuk ju mjafton, nuk ka problem, ju mund ta zhvendosni WordPress në një VPS. Nuk ka kufizime ose limite se si të shkallëzoni instalimin tuaj WordPress.
Gjithashtu, një faktor tjetër i rëndësishëm për t’u marrë parasysh këto ditë është shpejtësia e ngarkimit të uebfaqes pasi faqet e internetit më të shpejta u ofrojnë bizneseve SEO më të mirë, më shumë shitje dhe klientë të kthyer (ang. returning customers). WordPress po bën një punë të shkëlqyeshme në këtë mënyrë pasi kodi është optimizuar për shpejtësi dhe performancë jashtë kutisë.
# 6 – Është i lehtë për t’u përdorur
Nëse të gjithë në kompaninë tuaj janë të njohur me Microsoft Office dhe Word atëherë ata mund të përdorin WordPress me të njëjtën lehtësi. WordPress është një nga CMS më i lehti për t’u përdorur.
# 7 – Është i zgjerueshëm [extendable]
Dëshironi më shumë funksionalitet nga WordPress? A ka ndonjë funksion ose shërbim që mungon? Pa shqetësim, ka qindra shtojca (si falas dhe me pagesë) që mund të zgjerojnë funksionalitetin e WordPress në një mënyrë të shpejtë dhe të lehtë.
# 8 – Është miqësor për zhvilluesit
Edhe pse ka zgjidhje të gatshme (shtojca) për gjithçka që mund të duhet të bëni në WordPress, mund të ketë raste kur dëshironi zhvillim të personalizuar dhe ky është një tjetër avantazh i WordPress. Ka kaq shumë zhvillues të PHP në treg dhe kjo do të thotë që ju mund të merrni atë që dëshironi shpejt dhe me një çmim shumë të mirë.
# 9 – Është i popullarizuar
Ka mijëra instalime të reja WordPress në muaj dhe kjo sepse është një sistem i mirë dhe i besueshëm përndryshe nuk do të merrte besimin e të gjithë atyre përdoruesve dhe pronarëve të faqeve të internetit. Sipas një studimi, WordPress është platforma kryesore e blogeve por gjithashtu është zgjedhja kryesore për CMS.
