Email-et mashtrues (phishing) janë në rritje dhe duket se nuk kalon një ditë pa dëgjuar ose lexuar raporte të llojeve të reja të mashtrimit. Ndërsa disa mund të kenë qëndrimin se ata kurrë nuk do të bien në një email phishing, ia vlen të kihet parasysh se këto email tani janë më të sofistikuara dhe të besueshme se kurrë më parë. Shumë biznese dhe individë po bien pre e tyre, madje edhe ata që do ta konsideronin veten të përgatitur dhe të shkolluar teknikisht.
Shumë biznese, nga gjigandë të tillë si Google, te bizneset fillestare, kanë humbur para në email phishing në kohët e fundit – askush nuk është imun.
Çfarë është një email phishing?
Një email phishing është një taktikë që mashtruesit përdorin për t’i bërë njerëzit të zbulojnë detajet e bankës ose të dërgojnë fonde. Ndërsa ne të gjithë mund të kemi qeshur në të kaluarën për premtimet për ‘ndarjen e një fitimi në lotari’ ose ‘marrjen e një pjese të një pasurie të madhe’, postat elektronike phishing tani ka më shumë të ngjarë të duken dhe tingëllojnë sikur të jenë nga një koleg ose furnizues.
Disa shenja dallohen lehtë, të tilla si gabime të lehta gramatikore, apo edhe një adresë që është shumë e ngjashme me dikë që njihni, por jo mjaft. Si rregull i përgjithshëm, nëse jeni pak dyshues, kontrolloni dy herë!
Taktikat e zakonshme të email phishing
Përveç përdorimit të email adresave të rreme të biznesit të dizajnuara për t’u dukur si dikush që njihni, mashtruesit shpesh përdorin email phishing që përcjellin një ndjenjë urgjence, për t’ju bërë të mendoni se nëse nuk i përmbaheni, do të keni probleme të një lloji.
Për shembull, mund të jetë një email që duket të jetë nga një furnizues i rregullt, duke thënë se duhet të paguani një faturë të vonuar tani ose të rrezikoni të futeni në listën e zezë.
Një taktikë tjetër që mashtruesit do të përdorin është të pretendojnë se telefoni i tyre është prishur ose janë bllokuar nga email adresa e tyre e zakonshme, kështu që gjithmonë jini vigjilent nëse diçka duket se vjen nga dikush që njihni, por po ju kërkon të komunikoni me ta në një mënyrë të pazakontë.
Mashtrimet e popullarizuara
Mashtrimet e njohura nga email phishing përfshijnë fatura të rreme që duken shumë reale dhe të besueshme, alarme tatimore të cilat trembin përdoruesit duke menduar se nuk kanë paguar saktë taksën dhe madje edhe mashtrimet që përfshijnë blerjet e shtëpive, ku mashtruesit dërgojnë email që duket se vijnë nga avokati juaj që të përfundoni transferimin e fondeve tek një mashtrues.
Si mund të mbroni veten
Ndërsa është e vërtetë që mashtruesit po bëhen gjithnjë e më të sofistikuar, ka gjëra që mund të bëni për të mbrojtur veten. Asnjëherë mos pranoni një faturë nga një email biznesi të panjohur, madje edhe nëse duket se është nga dikush që njihni. E njëjta gjë vlen edhe për hapjen e bashkëngjitjeve (ang. attachments) – nëse keni dyshime, mos!
Sigurohuni që të gjithë në biznesin tuaj e dinë dhe e kuptojnë këtë. Sigurohuni gjithashtu që të gjithë e dinë që nëse dyshojnë, është gjithmonë më mirë të kontrolloni – atëherë kontrolloni përsëri!
