Dërgesat “online” me postë kane qenë rritur në mënyrë enorme vitin kaluar dhe në fillim të këtij viti. Duke parë që ka treg të mjaftueshëm, u hapën postat private edhe njëherë më shumë se sa ishin para pandemisë, shumë prej tyre vetëm me operim nga një zyre, me fokus në kryeqytet, Prishtinë.

‘Posta e Kosovës’ SHA, e cila gjatë vitit 2018, ka dominuar tregun e përgjithshëm të shërbimeve postare në Kosovë më 80.28 për qind, në vitin 2019, ka pasur një rënie të dominimit në treg në vlerën prej 77.15 për qind.

Në vitin e kaluar nuk dihet se si është ndarë tregu, por disa faktorë tregojnë se përsëri ka pasur rënie të Postës së Kosovës.

Sipas të dhënave zyrtare të raportuara nga operatorët postar, ARKEP ka arritur të regjistroi të hyrat në sektorin e shërbimit postar për vitin 2019, ku në total është evidentuar një qarkullim dhe bilanc i të hyrave të përgjithshme vjetore në vlerën prej; 7,370,711.49 euro.

Shifra për vitin e kaluar duhet të jetë shumë më e lartë.