Masat anti-COVID që pritet të merren nga Qeveria e Kosovës

Posted by Hostinkos on 05/04/2021

Qeveria e Republikës së Kosovës sot pritet t’i shtrëngoj masat anti-COVID, ku pritet edhe ndalimi i qarkullimit të qytetarëve nga ora 22:00 deri në 05:00, përveç në rasteve urgjente.

Pritet që edhe institucionet publike dhe private të arsimit parauniversitar do kalojnë në mësim online nga 12 deri më 18 prill ndërsa ato universitare nga 6 deri më 18 prill.

Në anën tjetër, shërbimet e gastronomisë obligohen të pezullojnë aktivitetin e tyre nga data 6 prill deri me datë 18 prill dhe të lejohen të punojnë vetëm me shërbim “merr me vete”, “dërgesë me porosi” dhe “drive-through.

Ndërkaq bartja e maskës duke mbuluar hundën dhe gojën është obligative, në të gjitha rastet përveç:

Gjatë ngasjes së automjetit vetëm apo me anëtarët e ngushtë të familjes;
-Gjatë vrapit dhe çiklimit;
-Gjatë ecjeve jashtë zonave të banuara dhe jo në grupe me më shumë se 4 persona të të njëjtës familje.

Nga 6 deri më 18 prill 2021 pritet të bëhet edhe pezullimi i aktiviteteve të konvikteve dhe menzave.

Hostinkos

Gjithçka që ju duhet për webfaqen e biznesit, përfshirë hostimin, domenët dhe ndërtimin e një webfaqe profesionale të kualitetit të lartë. Ne menaxhojmë çdo aspekt të dizajnit të webfaqes, SEO, web hosting dhe mirëmbajtjes teknike, dhe ofrojmë Ekipin më të mirë përkrahës!