Është e lehtë të mendosh se sapo uebfaqja juaj të jetë dizajnuar dhe miratuar, thjesht mund ta lansoni dhe ta lini të funksionojë magjinë e saj. Në realitet, faqet e internetit duhet të mirëmbahen për t’u siguruar që po marrin rezultatet më të mira për biznesin tuaj. Ju duhet të përpunoni atë që prisni nga faqja juaj e internetit dhe të siguroheni që po funksionon ashtu siç dëshironi. Provoni të punoni përmes kësaj liste kontrolluese dhe shikoni sa gati është uebfaqja juaj për biznes.

Dizajni i webfaqes

Kontrolloni që dizajni i faqes tuaj të internetit të jetë i përditësuar dhe reflekton markën tuaj dhe etikën dhe personalitetin e biznesit tuaj. Me kalimin e kohës, idetë e biznesit tuaj, teknologjia ose marka juaj mund të ndryshojnë dhe faqja juaj e internetit duhet ta pasqyrojë këtë. Korrigjimet e vogla mund ta mbajnë atë të duket e freskët dhe e mirëmbajtur mirë, por mund të vijë një kohë kur do të vendosni se ka nevojë për një ridizajnim të madh.

Përmbajtja

Sigurohuni që të lexoni përmbajtjen e webfaqes tuaj për t’u siguruar që të gjitha detajet janë të sakta. Mund të ketë gabime të vogla drejtshkrimore ose gramatikore, por gjëja më e rëndësishme është të kërkoni ndonjë hollësi të tillë si informacionet e kontaktit, orari e hapjes dhe artikujt e tjerë të cilët mund të kenë ndryshuar me kalimin e kohës dhe të jenë anashkaluar kur faqja është përditësuar. Kini kujdes të kontrolloni referencat për ‘‘brand new’, ‘të lançuara kohët e fundit’ ose detajet e ngjarjeve në të cilat mund të merrni pjesë për t’u siguruar që këto janë akoma relevante. Kontrolloni me kujdes numrat e telefonit, adresat e postës elektronike dhe kodet postare pasi këto gabime nuk janë aq të dukshme sa gabimet drejtshkrimore.

Përmbajtje e freskët

Përveç kontrollimit të imtësive të përmbajtjes, duhet të siguroheni që ka shumë përmbajtje të freskëta që shtohen rregullisht për t’i mbajtur faqet të renditen mirë në motorët e kërkimit.

Kontrolloni lidhjet (links)

Run-oni një kontrollues të lidhjeve për të kërkuar lidhje të thyera (ang. broken links) në faqen tuaj të internetit dhe për t’i korrigjuar ato. Kjo mund të jetë zhgënjyese për përdoruesit, por gjithashtu do të thotë që nuk po merrni renditjen e motorëve të kërkimit që po kërkoni. Ju mund të përdorni një mjet të tillë si SEM Rush.

Sitemaps

Për t’u siguruar që faqja juaj e internetit është indeksuar saktë me Google, konfirmoni që sitemaps janë të përditësuara. Kontrolloni lidhjet e thyera dhe sigurohuni që faqet e reja të shtuara dhe të rëndësishme janë shtuar në sitemap. Verifikoni që skedari sitemap.xml po azhurnohet automatikisht, duke e paraqitur atë në motorët e kërkimit.

Backup

Konfirmoni që skedarët e faqes tuaj të internetit dhe rekordet e bazës së të dhënave bëhen backup rregullisht në baza javore. Kontrolloni çdo gjashtë muaj që kopjet rezervë janë të vlefshme dhe sigurohuni që ka kopje rezervë të ruajtura jashtë webfaqes.

Siguria e webfaqes

Shkeljet në sigurinë e faqes së internetir mund të dëmtojnë rëndë reputacionin e markës tuaj. Ju duhet ta merrni këtë aspekt shumë seriozisht, duke u siguruar që është ndërtuar në një platformë të sigurt. Ju duhet të rishikoni si CMS -in tuaj ashtu edhe shërbimin tuaj të web hosting për t’u siguruar që jeni të kënaqur me sigurinë e të dyjave. Kontrolloni që ata kanë një plan gati për t’ju mbrojtur nga çdo shkelje e mundshme e sigurisë. Sigurohuni që të gjitha sistemet janë përditësuar. Ju duhet të jeni të azhurnuar me të gjitha procedurat më të fundit për sigurinë e faqes së internetit dhe të zbatoni të gjitha masat e nevojshme.

Shpejtësia e webfaqes

Ju duhet të kontrolloni që shpejtësia e ngarkimit të faqes për webfaqen tuaj është e pranueshme. Faqet që ngarkohen ngadalë mund të jenë zhgënjyese dhe joshëse për klientët tuaj dhe mund të ndikojnë në renditjen e motorëve të kërkimit. Sigurohuni që të gjitha imazhet në faqen tuaj të internetit janë me madhësi të saktë dhe që faqja e internetit po optimizon të gjitha imazhet.

Kontrolloni Analitikën

Kontrolloni që çdo gjurmim analitik që keni në webfaqen tuaj të funksionojë siç duhet dhe rezultatet të monitorohen. Ju duhet të kuptoni qëllimet tuaja kryesore dhe objektivat e konvertimit dhe të kontrolloni që po i ndiqni ato dhe po merrni rezultatet që ju nevojiten. Shqyrtoni me kujdes të dhënat tuaja analitike për të identifikuar fushat që duhet të rafinohen për të siguruar që faqja juaj e internetit po merr rezultatet më të mira për ju.

Me mirëmbajtje dhe kontrolle të rregullta, ju mund të relaksoheni duke ditur që webfaqja juaj po mbahet vazhdimisht e përditësuar në mënyrë që klientët tuaj ta kuptojnë dhe besojnë atë dhe të mos hidhen tek konkurrentët.