Pavijoni i Kosovës në Venecia lanson webfaqen
Posted on
Në edicionin e sivjetmë të Bienales Ndërkombëtare të Artit në Venecia, Pavijoni i Kosovës është në “ndërtim” e sipër në hapësirën ekspozuese arsenale në qytetin italian. Por informacionet e përfaqësimit të shtetit më të ri të Evropës në këtë ngjarje arti tashmë gjenden edhe online. Të enjten është publikuar webfaqja nëpërmjet së cilës në shqip e anglisht jepen informacione për ekipin që përfaqëson Kosovën bashkë me temën e pavijonit shtetëror.
Në webfaqe bëhet e ditur se “The Monumentality of the Everyday” i Jakup Ferrit, me kuratore gjermanen Inke Arns, do të hapë dyert në fund-prill për t’u mbyllur në fundnëntor. Paraqiten disa vepra të Ferrit, kryesisht vizatime e tapiceri të cilat do ta “veshin” Pavijonin e Kosovës duke iu përgjigjur titullit të caktuar nga ekipi.
“Webfaqja është kompletuar. Por do të shtohen lajme”, ka thënë Berisha, shkurt gjatë ditës së enjte, nëpërmjet komunikimit online.
