SSL, që do të thotë “secure sockets layer”, është një mënyrë për të parandaluar përgjimin dhe ndërhyrjen në komunikimet midis shfletuesve dhe faqeve të internetit. Për ta bërë këtë në mënyrë të sigurt, verifikon identitetin e operatorit të faqes së internetit dhe e përfshin atë verifikim në kriptimin që përdor për të mbrojtur mesazhin. SSL u zhvillua midis mesit të viteve 1980 dhe mesit të viteve 1990, por mbetet një mënyrë e thjeshtë dhe efektive për të mbrojtur të dyja palët nga mashtrimet.

Kur keni të instaluar një “certifikatë” SSL, faqja juaj e internetit mund të aksesohet duke përdorur protokollin HTTPS (“Hypertext Transfer Protocol Secure”) në vend të HTTP të zakonshëm. Prapa skenave, certifikatat përbëhen nga algoritme të ndërlikuara dhe kanale komunikimi të mbrojtura. Edhe pse të gjitha ofrojnë një përmirësim të sigurisë, sa më i besuar të jetë autoriteti i certifikatës, aq më shumë mund të ngarkojë (tarifojë) për certifikatat që lëshon.

Certifikatat SSL janë një mënyrë aq e rëndësishme për të mbrojtur komunikimet online, saqë disa shfletues kanë filluar të bllokojnë uebfaqe që nuk i përdorin ato. Edhe pse ky mund të jetë një hap shumë i largët për faqet e internetit që nuk shkëmbejnë asnjë informacion, nëse doni të inkurajoni vizitorët në webfaqen tuaj, ka kuptim të instaloni një certifikatë.

Nuk janë vetëm operacionet e tregtisë elektronike (ang. e-commerce) ato që kanë nevojë për të mbrojtur shkëmbimet e informacionit potencialisht të ndjeshëm: SSL gjithashtu tani është duke u miratuar nga shumë faqe të mediave sociale. Asnjë faqe interneti, për çfarëdo qoftë ajo, nuk dëshiron që vizitorët e saj të largohen nga një paralajmërim “Uebfaqe i pasigurt ” (ang. “Unsafe website”). Për fat të mirë, certifikata shumë të mira janë në dispozicion me kosto të ulët.

Si mund ta di se cila certifikatë më duhet?

Shumica e certifikatave të disponueshme sot janë mjaft të sigurta dhe të besueshme për të përmbushur nevojat e një biznesi të vogël. Sidoqoftë, ka arsye të mira për të zgjedhur një certifikatë me ndihmën e një kompanie të web hosting me cilësi të mirë. Ata jo vetëm që kanë përvojë më të azhurnuar të tregut, por janë mësuar edhe me instalimin e tyre, gjë që mund të jetë një procedurë mjaft e komplikuar. Nëse do të keni nevojë për ndihmën e tyre për ta instaluar atë, ju gjithashtu mund t’i lini ata të rekomandojnë atë që ata janë të njohur me të.

Ju gjithashtu duhet të jeni të vetëdijshëm se për marrjen e më shumë certifikatave “të nivelit të lartë” mund të duhet më shumë kohë. Kjo është kryesisht sepse procesi përfshin lëshuesin e certifikatës që verifikon kredencialet dhe besueshmërinë tuaj, si dhe atë të kompanisë suaj web hosting. Sa më e fortë të jetë certifikata, aq më shteruese do të jenë kontrollet e tyre në prapavi (ang. background).

Nëse jeni të shqetësuar për SEO-në e faqes tuaj të internetit, Google ka deklaruar se i jep një nxitje të vogël rankimit të faqeve të internetit që përdorin HTTPS. Sidoqoftë, përfitimi juaj kryesor është të fitoni besimin e vizitorëve tuaj.

Nëse e keni ende të paqartë se çfarë është një certifikatë SSL dhe nëse keni nevojë për të, pyesni kompaninë tuaj të web hosting “për çfarë përdoren certifikatat SSL? dhe cilat mund të ofrojnë ata si pjesë e planit tuaj hosting? ”