Njësitë Speciale të Policisë së Kosovës, janë duke bastisur dy kompani të call center në lagjen Pejton në Prishtinë.

Zëdhënësi i Policisë së Kosovës, Baki Kelani ka thënë se operacioni policor është duke u kryer në disa lokacione të rajonit të Prishtinës dhe Ferizajt, dhe ndërlidhet me veprimtari të mashtrimit.

“Sot me 31 mars 2021, Policia e Kosovës, me urdhëresë të Gjykatës kompetente është duke realizuar një operacion policor, i cili ndërlidhet me veprimtari të mashtrimit. Operacioni policor është duke u realizuar në disa lokacione të rajonit të Prishtinës dhe Ferizajt, andaj pas përfundimit të operacionit do të jepen informacione shtesë”.