Nga lagjja “Emshir” ku qytetarët e Prishtinës mund të testohen e të marrin terapi në qendrën për Covid-19, ata  duhet të drejtohen direkt në klinikat e QKUK-së për të marrë shërbime shëndetësore edhe nëse gjendja e tyre nuk përkon me nivelin terciar.

Megjithëse ka kohë të gjatë që është planifikuar spitali i qytetit, ende nuk është marrë asgjë në atë drejtim nga institucionet përgjegjëse.

Që nga viti 2019, kur është bërë fizibiliteti i ndërtimit të kësaj klinike nga Ministria e Shëndetësisë në bashkëpunim me Komunën e Prishtinës, nuk është bërë asnjë hap më tutje.

Të mbingarkuar e cilësojnë veten në Klinikën Emergjente në QKUK, ku kryesisht shërbime kërkojnë banorët e Prishtinës.

Bujar Gashi, drejtori i Shëndetësisë në Prishtinë, derisa është diskutuar ndalja e shërbimeve të tjera në Klinikat e SHSKUK-së, kjo do të dëmtonte kryeqytetin pa spital thotë.

Ministria e Shëndetësisë pati njoftuar se janë ndarë 7 milionë euro për ndërtimin e këtij Spitali, me mundësi shtimi të buxhetit nëse studimi i fizibilitetit thotë se ai do të kushtojë më shumë.

Drejtori i Shëndetësisë në Komunën e Prishtinës, Bujar Gashi, thotë se janë ende në pritje nga Ministria e Shëndetësisë për të iniciuar më tutje këtë plan.