Shoqata e Transportuesve të Udhëtarëve ka paralajmëruar se do të organizon protestë në Prishtinë ku të gjithë operatorët do t’i sjellin autobusët para objektit të Qeverisë së Kosovës.

Ruzhdi Kurtishaj, Kryetari i Shoqatës, ka njoftuar se këshilli drejtues ka marrë vendim që të premten orën 10:00 të gjithë operatorët e transportit do të defilojnë me autobus në Prishtinë.

Kjo do të bëhet në shenjë pakënaqësie për mos realizimin e marrëveshjes nga ana e qeverisë për subvencionim të humbjeve ekonomike që kanë pasur operatorët e transportit publik në pandemi.