Ju mund të krijoni një sitemap manualisht ose të përdorni softuer që gjeneron automatikisht një. Para se të hedhim një vështrim të hollësishëm të këtyre dy opsioneve, ka një hap të rëndësishëm që mund të duhet të ndërmerrni përpara se të krijoni një sitemap – pastroni strukturën e navigimit të webfaqes suaj.

Duhet të ketë një menu kryesore që tregon faqet tuaja kryesore: ballina dhe faqet Rreth Nesh, Shërbimeve dhe Produkteve. Lidhjet për faqet sekondare, të lidhura duhet të jenë nën menunë kryesore. Për shembull, menuja e Shërbimeve mund të lidhet me pesë faqe të tjera që përshkruajnë shërbimet që ju ofroni.

Krijimi i kësaj lloj strukture për webfaqen tuaj bën të mundur krijimin e një sitemap të pastër që web crawlers e makinave të kërkimit ta kenë të lehtë për tu kuptuar.

Pasi të keni verifikuar që webfaqja juaj ka një strukturë koherente, do të jeni gati të krijoni një sitemap duke përdorur një nga metodat e përshkruara më poshtë.

Metoda # 1: Krijoni një Sitemap manualisht

Në këtë seksion, ne thjesht do t’ju japim një ide të përgjithshme se si krijohet manualisht një sitemap.

Njohja se si krijohen sitemaps do t’ju ndihmojë të kuptoni qëllimin dhe strukturën e tyre. Edhe nëse merrni ndihmë për krijimin e një sitemap, do të jeni në gjendje të përdorni informacionin në këtë seksion për të verifikuar që sitemap përmban gjithçka që ju nevojitet.

Përdorimi i një mjeti për të krijuar një sitemap është shumë më i lehtë sesa krijimi manual. Avantazhi i vetëm për krijimin manual është se ju jep kontroll më të madh se cilat faqe do të përfshihen në sitemap.

Me këtë në mendje, le të hedhim një vështrim se si krijohet sitemaps manualisht.

• Gjëja e parë që duhet të keni kujdes është formati i sitemap. Skedari që përmban kodin e sitemap duhet të ketë një .XML extension. Ju mund të përdorni editorin e tekstit Microsoft ose Sublime text editor për të shtypur në sitemap dhe ta ruani atë si .XML
• Tjetra, duhet të filloni të krijoni sitemap. Ju mund të kërkoni një zhvillues uebi për udhëzime, ose nëse preferoni ta bëni vetë, mund të gjeni udhëzime në faqen zyrtare të internetit
• Pasi të keni mbaruar krijimin e skedarit tuaj sitemap.xml, duhet ta vërtetoni atë për t’u siguruar që nuk ka gabime në kod. Për ta bërë këtë, ju mund të përdorni XML Sitemap Validator. Kjo do t’ju informojë për çdo gabim që mund të ketë sitemap dhe do t’ju ndihmojë t’i rregulloni ato

Kjo përmbledh mënyrën e krijimit të një sitemap manualisht. Tani, le të shohim një mënyrë më të lehtë për ta bërë atë.

Metoda # 2: Përdorni softuerin për të krijuar automatikisht një Sitemap

Krijimi i një sitemap manualisht nuk është i nevojshëm, sepse ka mjete falas dhe të përballueshme që do ta bëjnë atë për ju. Shtojcat e Sitemap mund të sigurohen edhe nga CMS-i juaj, ose mund të përdorni një shërbim online ose një aplikacion desktop.

Shtojcat e Sitemap

Nuk ka rëndësi nëse përdorni WordPress, Wix, Squarespace ose ndonjë CMS tjetër për webfaqen tuaj, do të ketë një shtojcë të disponueshme që do t’ju ndihmojë të krijoni një sitemap.

Për WordPress, ju mund të përdorni shtojcën popullore Yoast SEO për të krijuar një sitemap.

Për Wix dhe Squarespace, nuk keni nevojë të shqetësoheni. Ata krijojnë dhe azhurnojnë automatikisht sitemap tuaj të webfaqes.

Nëse doni më shumë kontroll mbi sitemap tuaj, mund të përdorni një shërbim online ose një aplikacion desktop.

Sitemap shërbimet dhe aplikacionet

Slickplan është një aplikacion i shkëlqyeshëm, i përballueshëm që ju lejon të krijoni sitemap të hollësishme për faqen tuaj të internetit. Më e rëndësishmja, ajo përfshin një ndërtues vizual [ang. visual builder] ku mund të përdorni një ndërfaqe drag-and-drop për të hequr faqet nga sitemap-i juaj.

Screaming Frog është një mundësi tjetër. Kjo është një suitë e mjeteve SEO që përfshin një gjenerator falas të sitemap. Funksionon vetëm për faqet e internetit që kanë më pak se 500 faqe.

Ngarkimi i sitemap në server

Pasi të krijoni një sitemap, thjesht futuni në serverin tuaj të hosting dhe ngarkoni skedarin sitemap.xml në root directory.

Kjo do të shtojë sitemap-in tuaj në webfaqen tuaj gjithashtu, të cilën do të mund të vizitoni duke shtypur në www.yourwebsite.com/sitemap.xml.

Si të fshehni disa faqe interneti nga Search Engine Crawlers

Nëse nuk doni që motorët e kërkimit të crawl një faqe interneti specifike, mund ta shtoni në skedarin tuaj robots.txt, me funksionin e moslejimit [ang. disallow function].

Çdo faqe interneti që është ndaluar në skedarin robots.txt nuk do të identifikohet nga motorët e kërkimit, edhe nëse faqja është e shënuar në skedarin tuaj sitemap.xml.

Si të paraqisni sitemap te motorët e kërkimit

Hapi i fundit që duhet të ndërmerrni pasi keni krijuar dhe ngarkuar sitemap tuaj është ta paraqisni atë në motorët e kërkimit.

Ky hap është i rëndësishëm sepse siguron që sitemap juaj të mos anashkalohet nga motorët e kërkimit.

Ekzistojnë tre mjete kryesore të webmasterit në të cilat duhet të paraqisni skedarin e sitemap.xml të webfaqes:

• Google Search Console
• Mjetet Bing Webmaster
• Yandex.Webmaster

Ndërsa ka mjete të tjera të webmasterit, të tre më lart mbulojnë motorët më të spikatur të kërkimit.