Nëse vëreni se uebfaqja juaj nuk po funksionon aq mirë sa dëshironi, impulsi juaj i parë mund të jetë të kontaktoni me kompaninë tuaj të web hosting për të parë se çfarë po ndodh.
Ndërsa është e vërtetë që serveri luan qartë një rol të rëndësishëm në mënyrën se si funksionon një faqe interneti, ai nuk është vetmi faktor ndikues. Në fakt, ekziston një mundësi e madhe që uebfaqja juaj të mos funksionojë me shpejtësi optimale për shkak të diçkaje që është brenda kontrollit tuaj.
Këtu janë dhjetë arsyet më të zakonshme pse koha e ngarkesës [ang. load times] mund të jetë e ngadalt dhe çfarë mund të bëni për ta rregulluar atë.
# 1. CMS-i juaj është i vjetëruar
Një CMS ndonjëherë mund të jetë një shpatë me dy teha. Nga njëra anë e bën freskimin e përmbajtjes. Nga ana tjetër, mund të jetë fajtori kur bëhet fjalë për çështje të performancës. Kjo mund të ndodhë për disa arsye. Është përgjegjësia juaj të bëni azhurnimet e rregullta të softuerit që vijnë për CMS tuaj. Nëse jeni neglizhent, jo vetëm që po ekspozoni veten për çështje sigurie, por ndërtimi që po përdorni mund të jetë më pak efikas se ai i fundit. Çdo azhurnim sjell rregullime të defekteve në kod, të cilat përmirësojnë performancën.
# 2. Shumë shtojca
Shumë nga CMS-të më të njohura, si WordPress, derivojnë pjesën më të madhe të funksionalitetit të tyre përmes shtojcave [ang. plugins]. Këto module të vogla mund të ndihmojnë faqen tuaj të internetit të kryejë shumë gjëra, por secili prej tyre mund të shtojë një fraksion të sekondës në kohën e ngarkesës. Jo të gjitha shtojcat janë njësoj të ngadalta, megjithatë, mund të duhet të bëni disa prova për të gjetur shtojcat që ndihmojnë uebfaqen tuaj të funksionojë sipas specifikave tuaja. E njëjta gjë mund të thuhet për theme-n që zgjedhni për t’i dhënë uebfaqes tuaj pamjen e saj.
# 3. Ridrejtimet janë jashtë kontrollit
Ndonjëherë ridrejtimet [ang. Redirects] janë të pashmangshme (megjithëse do të dëshironi të përdorni 301 për këtë) dhe duhet të azhurnoni URL-në për një pjesë të përmbajtjes që është zhvendosur diku në një uebfaqe tjetër. Mbani në mend se nëse jeni duke përdorur ridrejtimet, ju në thelb po jepni direktivën që të ketë një uebfaqe të ngarkohet (ang. load) dy herë para se përdoruesi të arrijë në destinacionin e tij.
# 4. Imazhet nuk janë të optimizuara
Shumë uebfaqe ka të ngjarë ta kenë këtë çështje. Rrallë ka ndonjë skenar ku keni nevojë për imazhe në uebfaqen tuaj që janë me megabajt në madhësi sesa kilobajt. Nëse po merrni imazhe nga kamera juaj ose nga diku tjetër në ueb dhe thjesht po i futni ato në përmbajtjen tuaj pa ndërmarrë hapat e duhur për t’i optimizuar, mund të shtoni pa nevojë kohën e ngarkimit të uebfaqes tuaj.
# 5. Nuk përdorni tekstin në vend të grafikës atje ku është e përshtatshme
Ngarkimi i imazheve merr më shumë kohë se sa teksti. Në qoftë se nuk ka ndonjë arsye të ngutshme të dizajnit për këtë, është gjithmonë më mirë të zgjedhni tekstin për ngarkim më të shpejtë.
# 6. Kodi nuk është i optimizuar
Kodimi i një faqe interneti luan një rol të madh në atë se sa “i ngushtë” ndihet. Një uebfaqe minimale e ndërtuar kryesisht në HTML / CSS do të ngarkohet më shpejt sesa një uebfaqe që gjithashtu përdor JavaScript dhe PHP për të kryer një sërë funksionesh dinamike. Derisa nuk duhet të sakrifikoni vizionin tuaj kreativ, është e rëndësishme të siguroheni që ju ose zhvilluesi juaj po kryeni pastrimin e kodit që kërkon kohë minimale ngarkimi për një shfletues.
# 7. Embedded media nga burime të jashtme
Përfitimi i embedded media në uebfaqen tuaj që në të vërtetë është hostuar diku tjetër është se ju po përdorni më pak hapësirë dhe më pak burime në serverin tuaj. E keqja është se ju jeni në mëshirën e atij burimi të jashtëm. Nëse për ndonjë arsye ai burim ka probleme të ngarkimit më vete, uebfaqja juaj do të ‘vuajë’ gjithashtu ndërsa përpiqet të thërrasë përmbajtjen.
# 8. Keshimi [ang. cache]
Aktivizoni keshimin përmes metodës suaj të preferuar në mënyrë që përdoruesve t’i shërbehet versioni i keshuar i uebfaqes tuaj për kohë më të shpejtë të ngarkesës. Kjo mund të bëhet përmes skedarit .htaccess ose përmes një shtojce nëse jeni duke përdorur një CMS që mbështet një funksionalitet të tillë.
