Një nga gabimet që bëhen më shpesh në faqet e internetit të WordPress është të harrosh (ose thjesht të mos jesh i vetëdijshëm për domosdoshmërinë) për të vendosur siç duhet email-in outbound.

Nuk është bërë e qartë veçanërisht që duhet të bëhet në çdo moment, as nuk është një cilësim që mund të rregullohet në WordPress pa një shtojcë, por vendosja e email-it të uebfaqes suaj është një komponent i rëndësishëm për të siguruar që email-at tuaj të dërgohen me sukses dhe mos përfundojnë në folderët junk të klientit tuaj.

Arsyeja që shpesh neglizhohet është se emaili i dërguar nga uebfaqja juaj e WordPress do të funksionojë ende pa u konfiguruar fare. Thjesht mund të mos funksionojë siç duhet.

Për çfarë outbound email po flasim?

Po u referohemi email-eve të shumtë, që uebfaqja juaj e WordPress-it do të gjenerojë dhe dërgojë vetë. Kjo përfshin gjëra të tilla si email të rivendosjes së fjalëkalimit, email të njoftimeve për komente, email të njoftimeve të porosive të reja dhe faturat e klientëve (nëse keni të instaluar një dyqan) si dhe një bandë të tërë të llojeve të tjera të postës elektronike dërguar juve ose klientëve tuaj.

Çfarë ndodh nëse nuk konfiguroni email-in outbound?

Emaili outbound do të funksionojë në mënyrë të paracaktuar pa asnjë ndërhyrje. Por me kohë mund të zbuloni, ose më keq akoma mos ta kuptoni, se disa email po përfundojnë në junk.

Nëse nuk ndërhyni, uebfaqja juaj e WordPress do të paracaktojë përdorimin e email serverit të integruar të hostit tuaj.

Email-et e dërguara në këtë mënyrë mund të kenë një adresë të çuditshme të tillë si “Nga: info@yourcompany.com via vmcp28.hostinkos.com”, e cila nuk është një pamje veçanërisht profesionale, si dhe zbulon haptazi emrin e hostit të serverit tuaj .

Email-i i dërguar në këtë mënyrë mund të mos kalojë regjistrin SPF [ang. SPF record] të domenit tuaj, sepse vjen nga emri i hostit të serverit, në vend se nga emri juaj i domain-it, duke bërë që ajo të shënohet si junk email për disa përdorues.

Çfarë duhet të bëni?

Praktika më e mirë për çdo faqe interneti të WordPress është të vendosni email-in outbound duke përdorur një outbound mail server të përshtatshëm.

Për fat të mirë, kjo është vetëm një punë 5-minutëshe!

Së pari, do të duhet të krijoni një llogari emaili ose të zgjidhni një nga llogaritë tuaja ekzistuese të postës elektronike për ta përdorur për të dërguar email-et tuaja WordPress. Ne do të rekomandonim të përdorni një adresë të përgjithshme të postës elektronike të pyetjeve nëse keni një të tillë, për shembull, info@yourcompany.com.

Nëse nuk keni një adresë email gjenerike të tillë si kjo, ju mund të përdorni ndonjë llogari tjetër të postës elektronike sipas zgjedhjes suaj, ose ndoshta mund të konsideroni krijimin e një adrese emaili në llogarinë tuaj cPanel posaçërisht të dedikuar për këtë qëllim.

Cilindo email që zgjedhni të përdorni, sigurohuni që të kontrolloni shpesh kutinë postare [ang. mailbox] në rast se merrni ndonjë (inbound) mail në të, ose vendosni një transferues nga kjo adresë në një nga adresat që tashmë kontrolloni shpesh.

Ju lutemi vini re: Nëse jeni duke përdorur një shërbim të jashtëm të pritjes së postës elektronike siç është Google ose Microsoft 365, ne do t’ju rekomandojmë të siguroni që web zhvilluesi juaj t’ju ndihmojë me detyrën e konfigurimit të WordPress SMTP.

Kjo situatë shton një shtresë shtesë të shqyrtimit pasi keni mundësinë e përdorimit të emailit tuaj të jashtëm [ang. external] për serverin tuaj SMTP, ose përdorimit të cPanel tuaj – thjesht sigurohuni që nëse përdorni cPanel krijoni një adresë emaili që përputhet me një nga adresat tuaja ekzistuese në external email hosting në mënyrë që të pranohen përgjigjet.

Shënoni emrin e përdoruesit dhe fjalëkalimin e llogarisë suaj të zgjedhur të postës elektronike dhe më pas drejtohuni në WordPress dashboard. Tani do të duhet të merrni një shtojcë SMTP. Ekzistojnë disa shtojca SMTP falas në repositorin e WordPress që do t’ju ndihmojnë të konfiguroni emailin tuaj outbound brenda pak kohe. Ne kemi pasur përvojë të mirë duke përdorur Easy WP SMTP.

Pasi të jetë instaluar dhe aktivizuar shtojca, do të gjeni zonën parametrave për Easy WP SMTP nën menunë “Settings” (nëse keni zgjedhur një shtojcë tjetër SMTP, ka shumë mundësi që të gjeni cilësimet në të njëjtën zonë të përgjithshme).

Shtojca SMTP do të kërkojë disa detaje, duke përfshirë:

• From Email Address: Adresa juaj e zgjedhur e-mail si më sipër.
• From Name: Zakonisht emri i biznesit tuaj.
• Reply-To Email Address: Kjo fushë do të jetë opsionale. Mund ta përdorni për të vendosur një adresë tjetër përgjigje nëse është e nevojshme në mënyrë që nëse klientët tuaj t’i përgjigjen një prej postave elektronike, ajo të drejtohet në këtë adresë.
• SMTP Host: Nëse keni të instaluar një certifikatë SSL në domenin tuaj, thjesht mund të shtypni domenin tuaj në këtë fushë (duke mos përfshirë www, për shembull, yourdomain.com). Nëse nuk keni një certifikatë SSL, ne do të rekomandonim që një të instalohet sa më shpejt që të jetë e mundur. Ju lutemi vini re se nëse jeni duke përdorur një shërbim CDN (siç është Cloudflare) që maskon IP adresën e serverit tuaj, kjo metodë nuk do të funksionojë, në këtë rast do të ishte më mirë të përdorni emrin e hostit të serverit tuaj (për shembull, vmcp28.hostinkos.com) Nëse përdorni një shërbim të jashtëm të hostimit së postës elektronike për SMTP tuaj (të tilla si Google ose Microsoft 365), mund t’ju duhet të kontaktoni ata për të gjetur se si duhet të konfigurohet hosti juaj.
• Type of Encryption: SSL
• SMTP Port: 465
• SMTP Authentication: Yes
• SMTP Username: Adresa juaj e emailit e zgjedhur si më sipër.
• SMTP Password: Fjalëkalimi i adresës suaj të emailit të zgjedhur si më sipër.

Pasi të keni mbaruar, shtojca juaj SMTP duhet t’ju lejojë të testoni serverin tuaj të ri dalës dhe voila! Email-et tuaja tani do të kenë një shans shumë më të mirë për të qëndruar jashtë follderit të email spam!

Për të përmirësuar më tej besueshmërinë tuaj të postës elektronike, ne do të rekomandonim shumë që të kontrolloni regjistrin tuaj SPF [ang. SPF record] nëse është i aktivizuar dhe i konfiguruar si duhet.

Nëse ngecni gjatë rrugës me ndonjë nga sa më sipër, ne do t’ju rekomandojmë të flisni me web zhvilluesin tuaj për ndihmë të mëtejshme.