Në këtë artikull do të shpjegojmë arsyet pse faqja juaj e internetit ka qenë ose mund të futet në listën e zezë [ang. blacklist], dhe cilat hapa mund të ndërmerrni për të parandaluar që kjo të ndodhë.

Pse Google shton në blacklist një faqe interneti dhe çfarë do të thotë kjo

Uebfaqja më e vizituar në botë është Google. Çdo ditë, njerëzit i bëjnë asaj miliona pyetje. Dhe si përgjigje, Google përgjigjet në formën e faqeve të internetit dhe lidhjeve të faqeve të internetit.

Për t’u siguruar që njerëzit nuk vizitojnë aksidentalisht një webfaqe të dëmshme përmes motorit të tyre të kërkimit, Google ‘skanon’ faqet e internetit për malware, softuer të padëshiruar, mekanizma phishing dhe gjithçka tjetër që bie ndesh me politikat e Google.

Nëse Google gjen diçka të dyshimtë, ajo vendos webfaqen në listat e zeza nga shfaqja në motorin e saj të kërkimit. Si rezultat, kjo webfaqe humbet të gjithë trafikun që merr përmes Google.

Shumë uebfaqe mbështeten te Google si burimi i tyre kryesor i trafikut dhe nëse janë në listën e zezë të Google, ata mund të humbin jo vetëm trafikun por edhe klientët dhe shitjet, duke çuar në humbje të mëdha për kompaninë e tyre.

Çfarë ndodh pasi një webfaqe të shtohet në listë të zezë nga Google?

Çdo ditë, Google rendit në listat e zeza rreth 10,000 faqet e internetit.

Nëse një webfaqe është në listën e zezë nga Google, mund të ndodhin dy gjëra:

• Uebfaqja – dhe të gjitha faqet e saj të internetit – nuk shfaqen në rezultatet e kërkimit të Google derisa të hiqet nga lista e zezë e Google
• Shfletuesit e internetit shfaqin një mesazh paralajmërues që inkurajon vizitorët të mos hyjnë në faqen e internetit

Ekzistojnë tre paralajmërime kryesore që Google tregon në faqet e internetit të listuara listë të zezë.

1. “This site contains malware”

Malware është një pjesë e softuerit në faqet e internetit që përfshin kod të dëmshëm. Nëse përdoruesit shkarkojnë malware, ai mund të dëmtojë kompjuterin e tyre duke kërkuar aktivitetet e tyre, duke ndërhyrë në skedarët e tyre dhe shumë më tepër.

Nëse webfaqja juaj përmban malware – ose lidhje me malware – Google do të rendisë në blacklist webfaqen tuaj dhe do të shfaq paralajmërimin vijues, ose diçka të ngjashme, për të gjithë ata që e vizitojnë atë:

Sidoqoftë, në të vërtetë mund të mos jeni të vetëdijshëm se keni këto skedarë të dëmshëm – ose lidhje me to – në webfaqen tuaj. Megjithatë nuk ka nevojë të shqetësoheni, pasi ne do të shpjegojmë se si të hiqni malware dhe të rregulloni webfaqen tuaj më vonë në këtë artikull.

2. “Deceptive Site Ahead”

Një faqe mashtruese është ajo që përfshin elementë të krijuar për të mashtruar ose vetë Google ose vizitorin. Kjo mund të jetë një webfaqe e cila, për shembull:

• Përfshin një buton ‘play’ që në të vërtetë çon në një shkarkim skedari,
• Ka vegëza që pretendojnë se po e çojnë një përdorues në një vend të caktuar, por i ridrejton ata diku tjetër,
• Ka reklama që çojnë vizitorët në shërbime të tjera nga ato që reklamon.

Uebfaqe të tilla do të shtohen në listën e zezë të Google dhe ky paralajmërim do të shfaqet sa herë që një person përpiqet të hyjë në të:

Kjo ose mund të ndodhë prej gabimeve tuaja, të atyre që kanë ndërtuar faqen tuaj të internetit, ose kushdo që ka kryer Optimizimin e Motorëve të Kërkimit (SEO).

3. This Site May Be Hacked

Nëse Google beson se nuk jeni përgjegjës për malware ose përmbajtje mashtruese në faqen tuaj dhe nuk keni kontroll mbi modifikimet e bëra në faqet e webfaqes suaj, Google do ta shfaq këtë paralajmërim në rezultatet e kërkimit:

Për të hequr këtë paralajmërim, duhet të verifikoni me Google që domeni juaj nuk është rrëmbyer dhe ju keni dezinfektuar faqen tuaj nga përmbajtja e dëmshme.

Arsyet pse Google e ka renditur në listen e zezë webfaqen tuaj

Arsyeja kryesore pse Google rendit në listat e zeza një faqe interneti është sepse ajo përfshin përmbajtje të dëmshme. Ju mund ose nuk e dini saktësisht se cili link bën që webfaqja juaj të shfaqet në listën e zezë të Google.

Për fat të mirë, Google do t’ju tregojë se për cilin link / aplikacion të dëmshëm bëhet fjalë.

Por kjo nuk është e vetmja arsye që Google rendit një webfaqe në listen e zezë. Këtu janë disa aktivitete që mund të bëni pa dashje dhe që po bëjnë që faqja juaj e internetit të shfaqet në listën e zezë të Google:

1. Përdorimi i teknikave SEO të Black Hat për të rankuar webfaqen tuaj në motorët e kërkimit

Nëse ju, ose konsultanti juaj i SEO-së, përdorni teknika black- hat SEO, Google do ta rendisë në webfaqen tuaj në listë të zezë. Disa shembuj të teknikave të black hat SEO përfshijnë:

• Duke kërkuar me qëllim nga njerëzit që të klikojnë në webfaqen tuaj dhe lidhjet e saj,
• Duke paguar të tjerët për të treguar vegëzat në webfaqen tuaj,
• Duke shtuar fjalë kyçe [ang. keywords] në webfaqen tuaj që nuk kanë lidhje me përmbajtjen që po shfaqni.

Këto janë vetëm disa nga teknikat që Google ndalon rreptësisht webfaqet nga përdorimi.

2. Shtimi i përmbajtjes së plagjiarizuar / të mbrojtur nga e drejta e autorit në webfaqen tuaj

Nëse përdorni aksidentalisht një imazh të mbrojtur nga të drejtat e autorit në webfaqen tuaj, ose nëse një autor në webfaqen tuaj kopjon një artikull nga një burim tjetër ju rrezikoni që webfaqja juaj të shtohet në listën e zezë.

Pra, para se të shtoni një artikull, imazh, video, apo edhe audio të çfarëdo lloji, sigurohuni që të bëni një kontroll të sfondit dhe të konfirmoni që media / përmbajtja që po përdorni nuk është në pronësi të dikujt tjetër.

Nëse është kështu, pronari mund të paraqesë një ankesë te Google dhe faqja juaj e internetit do të futet në listën e zezë nga motorët e kërkimit.

3. Domeni juaj është rrëmbyer / Uebfaqja juaj është hakuar

Ju mund ta përdorni uebfaqen tuaj në një mënyrë që përputhet me politikat e Google, megjithatë zbuloni se ajo është futur në listën e zezë.

E gjitha ka të bëjë me sigurinë. Ndoshta ju nuk keni marrë masat e duhura të sigurisë për webfaqen tuaj, dhe si rezultat, ajo është hackuar, ose domeni juaj është rrëmbyer.

Nëse kjo ndodh, ka shumë mundësi që personi që ka hakuar webfaqen tuaj mund të ketë futur një softuer me qëllim të keq ose përmbajtje mashtruese pa e ditur ti, dhe si rezultat, faqja jote e internetit është futur në listën e zezë.

Çfarë të bëni nëse Google shfaq mesazhe paralajmëruese në webfaqen tuaj

Për të ndaluar që mesazheg paralajmëruese të shfaqen dhe faqja juaj e internetit të mos penalizohet më tej, ju mund të ndërmarrni veprimet e mëposhtme për të rregulluar faqen tuaj të internetit.

1. Vizitoni konsolën e kërkimit Google (Google Search Console): Gjëja e parë që duhet të bëni është të kontrolloni webfaqen tuaj për ndonjë gabim sigurie. Nëse Google gjen ndonjë malware, do të shihni një njoftim për të në Search Console. Si dhe, seksioni i raportit Security Issues në webfaqen tuaj do t’ju tregojë gjithashtu çdo faqe të hakuar që zbulon Google, me udhëzime se si t’i rregulloni ato.
2. Vizitoni Uebfaqen e Google Transparency Report: Si një kontroll i fundit, mund të përdorni shërbimin e Google Transparency Report për të analizuar se cilat nga faqet e webfaqes suaj përmbajnë përmbajtje të dëmshme dhe duhet të hiqen. Pasi të gjeni këto faqe, mund të përqendroheni në rregullimin e tyre shpejt. Kjo veçori është veçanërisht e dobishme nëse keni një uebfaqe të madhe me shumë faqe.

Pasi të kryeni kontrolle në këto dy zona, do të keni informacion të mjaftueshëm për të deshifruar se cilat pjesë të webfaqes suaj po shkaktojnë problemin.

Si të largoni webfaqen tuaj nga lista e zezë e Google

Pasi të pastroni webfaqen tuaj nga këto çështje, duhet të kontaktoni Google dhe të kërkoni që ata të heqin webfaqen tuaj nga lista e zezë.

Kjo quhet paraqitja e një rishikimi të sigurisë [ang. submitting a security review].

Për ta bërë këtë, ndiqni këto hapa të thjeshtë:

1. Hyni në Google Search Console
2. Klikoni në seksionin Security Issues
3. Shikoni nëse janë zgjidhur të gjitha problemet. Nëse po, kontrolloni kutinë për të konfirmuar se i keni rregulluar të gjitha problemet
4. Klikoni në butonin që thotë Request A Review
5. Shpjegoni atë që keni hequr ose rregulluar në webfaqen tuaj

Pasi të përfundojë, Google do të rishikojë webfaqen tuaj dhe do të kryejë kontrolle për të parë nëse faqja juaj ndjek politikat e saj dhe nëse e gjithë përmbajtja me qëllim të keq është hequr apo jo.

Ky proces mund të zgjasë disa ditë.

Pasi të keni kaluar shqyrtimin, Google do të heqë webfaqen tuaj nga lista e tyre e zezë dhe të gjitha mesazhet paralajmëruese do të hiqen. Uebfaqja juaj do të jetë përsëri e dukshme në motorët e kërkimit.