Në këtë artikull, ne do të rishikojmë 5 llojet e zakonshme të sulmeve në uebfaqet e WordPress:

#1 – Brute Force Attacks

Metoda e sulmit të forcës brutale targeton faqen e hyrjes (ang. login page) në WordPress sepse është mënyra më e lehtë për të hyrë në uebfaqen tuaj. Një bot do të përdorë provën dhe gabimin për të futur kombinime të ndryshme të emrit të përdoruesit dhe fjalëkalimit derisa të zhbllokojë uebfaqen tuaj. Edhe nëse sulmuesi nuk arrin të gjejë kredencialet tuaja, sulmi mund të mbingarkojë lehtësisht serverin tuaj.

#2 – File Inclusion Exploits

Këto sulme shfrytëzojnë dobësitë në kodin PHP që ekzekuton WordPress dhe çdo shtojcë. Sulmuesit ngarkojnë dhe ekzekutojnë skedarë në distancë, duke i lejuar ata të modifikojnë skedarë të rëndësishëm të sistemit WordPress si skedari wp-config.php.

#3 – SQL Injections

WordPress përdor një bazë të dhënash MySQL për të funksionuar. Kur sulmuesit fitojnë qasje në bazën tuaj të të dhënave, ata mund të krijojnë llogari të reja të hyrjes së administratorit ose të futin të dhëna të reja, siç janë lidhjet me postën e padëshiruar apo spam.

#4 – Cross-Site Scripting

Sulmuesit shfrytëzojnë dobësitë në hyrjen e WordPress për të ngarkuar JavaScript në uebfaqen tuaj. Skenari mund të modifikojë mënyrën se si vepron uebfaqja juaj dhe madje të vjedhë të dhëna të ndjeshme nga vizitorët e uebfaqes suaj.

#5 – Malware

Softueri me qëllim të keq është një problem i zakonshëm për të gjitha faqet e internetit. Infeksionet më të përhapura të malware për WordPress janë backdoors, drive-by downloads, pharma hacks, dhe malicious redirects.

WordPress është i sigurt nëse ndiqni praktikat më të mira të sigurisë. Mbajtja e sistemit tuaj të përditësuar dhe ndjekja e praktikave më të mira themelore të sigurisë, të tilla si përdorimi i fjalëkalimeve të forta, mund të zvogëlojë ndjeshëm rreziqet tuaja të sigurisë.