Prishtina edhe me tutje është komuna me numrin me të lartë të pacientëve të infektuar me koronavirus.

Përkundër kësaj Qendrat Mjekësore Familjare në këtë tash e tre muaj nuk janë furnizuar nga Ministria e Shëndetësisë me barna e pajisje të listës esenciale.

Kështu ka bërë të ditur drejtori i Shëndetësisë në Prishtinë, Bujar Gashi i cili tha se këto mungesa në furnizim janë duke u munduar t’i mbulojnë me kontratat vetanake të Komunës.

Por siç tha ai edhe ato kontrata tashmë pothuajse janë shpenzuar.