Një fushatë e organizuar dhe teknologjikisht e avancuar e sulmeve kibernetike është zbuluar sot, me target kryesor mediat në Kosovë.

Eksperti i sigurisë kibernetike, Hekuran Doli, përmes një njoftimi publik, ka bërë të ditur se sulmet po shpërndahen përmes një emaili të dyshimtë që përmban një virus të rrezikshëm. Emaili dërgohet nga adresa mccarthypaula916@gmail.com dhe ngjan me një përmbajtje standarde, që në dukje nuk ngjall dyshime.

Sipas tij, sulmet janë identifikuar fillimisht nga Valton Tahiri, një tjetër profesionist në fushën e sigurisë digjitale. Doli u ka bërë thirrje të gjitha institucioneve mediatike që, nëse kanë hapur emailin, të veprojnë menjëherë duke kontaktuar administratorin e sistemit.

Kujtojmë se ky nuk është rasti i parë – mediat në Kosovë kanë qenë edhe më parë objekt i tentativave për sulme kibernetike.