Të mërkurën TIKA e Komuna kanë nënshkruar memorandum mirëkuptimi për bashkëfinancim të Hamamit të Madh të Prishtinës.

Sipas memorandumit, 49.35 për qind e mjeteve do të jepen nga Komuna e 50.65 nga TIKA, derisa Ministria e Kulturës thotë se nuk ka qenë në dijeni për marrëveshjen e lidhur midis institucionit lokal dhe organizatës së Qeverisë turke.

Kryetari i Komunës së Prishtinës, Shpend Ahmeti, ka thënë se pas një kërkese që i kanë bërë TIKA-s vitin e kaluar për tri projekte, tash është nënshkruar marrëveshje për projektin e dytë.

Me ngjyrë të bardhë në muret e jashtme dhe të brendshme – me hapësira në enterier ku shihen gurët e murit e gypat që përbëjë strukturën – Hamami i Madh i Prishtinës do të restaurohet nga agjencia turke për zhvillim dhe rindërtim – TIKA.