Në fillim të këtij muaji Kuvendi i Kosovës rihapi konkursin për zgjedhjen e anëtarëve të Bordit të KKTK-së, pasi dështimit të konkursit të vitit të kaluar.

Nga drejtoria për media dhe marrëdhënie me publikun e Kuvendit të Kosovës, thuhet se për 7 pozita e Bordit të KKTK-së, Kuvendi ka pranuar 40 aplikacione.

“Më 14.05.2021 ka përfunduar afati i aplikimit për zgjedhjen e shtatë (7) anëtarëve të Këshillit të Kosovës për Trashëgimi Kulturore. Për këtë pozitë kanë aplikuar 39 kandidatë dhe në afatin e pritjes me postë është pranuar një aplikacion-kandidat. Pra, kanë aplikuar gjithsej 40 kandidatë.”

Por, nuk kanë treguar se kur do të nisë procesi i përzgjedhjes së kandidatëve.

Bordi i KKTK-së përbëhet nga shtatë (7) anëtarë të cilët zgjidhen nga Kuvendi i Republikës se Kosovës me mandat tri (3) vjeçar, duke respektuar përbërjen etnike në Kosovë.