Sipas një vendimi të Qeverisë së Republikës së Kosovës, lëvizja e qytetarëve është e lejuar nga ora 5:00 e mëngjesit deri në 22:00.

Meqenëse për të gjitha lokalet është lejuar të ofrohet shërbimi shërbimi i kafesë “merre me vete”, sot një numër i qytetarëve shihen duke dalë nga kafenetë me kafe në dorë ose me ushqim.

Ajo që qytetarët dhe gastronomët po i brengos më shumë është mbyllja e gastronomisë, e cila do të jetë nën këto masa deri më datën 18 të këtij muaji.

Kryetari i Shoqatës së Gastronomëve të Kosovës, Petrit Kllokoqi, ka reaguar menjëherë pas masave të reja anti-COVID, të miratuara nga Qeveria, duke thënë se pas 11 ditëve gastronomia do të hapet, me ose pa lejen e Qeverisë:

“Me ose pa leje të Qeverisë, ne do të hapemi! Për këto 11 ditë do të kërkojmë subvencionime të pagave, të qirave dhe grante për biznese, do të kërkojmë strategji për të ardhmen tonë! Më mirë është të funksionojë Gastronomia e të qarkullojë paraja, e me këto para të investohet në shëndetësi, të sigurohen shtretër e hapësira të mjaftueshme për të gjithë të prekurit me COVID si rezultat i fushatave parazgjedhore e të sigurohen vaksina, se të sanksionohen bizneset”.