Ndërsa të gjitha faqet e internetit duhet të mbrojnë veten nga pirateria dhe infektimi, faqet e tregtisë elektronike (ang. eCommerce) që kryejnë transaksione online dhe mbledhin detaje financiare dhe personale të klientëve duhet të kenë një kujdes të veçantë. Në këtë postim, ne do t’ju tregojmë disa këshilla thelbësore për ta mbajtur të sigurt dyqanin tuaj online.

1. Përdorni një platformë të sigurt të tregtisë elektronike (eCommerce)

Të gjitha platformat e faqeve të internetit kanë pikat e forta dhe të dobëta, por disa janë më të sigurta se të tjerët ose kanë shtojca sigurie që mund t’i bëjnë ato më të fuqishme. Magento është një CMS i projektuar posaçërisht për tregtinë elektronike dhe me karakteristika sigurie të ndërtuara rreth nevojave të dyqaneve online. WordPress, CMS kryesor në botë, ka shtojca të shumta që mund të përdorni për ta mbajtur webfaqen të sigurt, duke përfshirë Wordfence dhe Sucuri të mirë-krijuar dhe të respektuar.

Këto mbrojtje mund të mbrojnë dyqanin tuaj online nga një sërë kërcënimesh, duke përfshirë malware infection, SQL injections, Denial of Service attacks, cross-site scripting dhe zero-day exploits.

2. Sigurohuni që të skanoni për malware

Shumica e web hostëve ofrojnë një shërbim të skanimit të malware që zbulon dhe parandalon llojet e ndryshme të malware që infektojnë skedarët e webfaqes tuaj. Përdorimi i shërbimeve të tilla mund të parandalojë që këto programe të fshehta të kryejnë aktivitetet e tyre me qëllim të keq, të tilla si vjedhja e të dhënave tuaja, infektimi i kompjuterëve të përdoruesve tuaj etj. Në mënyrë ideale, zgjedhni një shërbim që do t’ju njoftojë menjëherë nëse është gjetur ndonjë infektim.

3. Instaloni certifikatën SSL

SSL është thelbësore për dyqanet online, pasi shumica e hyrjeve të pagesave nuk do t’ju lejojë të ndërmerrni transaksione financiare në webfaqen tuaj pa atë. Në thelb, instalimi i një çertifikate SSL mundëson kriptimin e të dhënave financiare pasi ato dërgohen nga shfletuesi i klientit te serveri juaj, duke parandaluar kështu vjedhjen e tij gjatë procesit të arkëtimit (ang. checkout).

Me një certifikatë SSL të instaluar, adresa juaj e uebit ndryshon nga HTTP në HTTPS (S që qëndron për Secure) dhe kjo u mundëson motorëve të kërkimit të vendosin një ikonë të gjelbër të dryrit në shfletuesin tuaj. Gjithashtu rrit shanset tuaja për tu renditur më lart.

4. Menaxhimi më i mirë i të dhënave të klientit

Të dhënat e klientit janë të vlefshme për hakerat pasi ata i përdorin ato për të vjedhur nga njerëzit ose për t’i shitur në rrjetin e errët kriminelëve të tjerë. Nëse grumbulloni të dhëna për klientët, kjo do të thotë që ju jeni një shënjestër për hakerat. Rregulli i parë i menaxhimit të të dhënave të klientit, pra, është të mbledhësh vetëm informacionin që në të vërtetë të nevojitet. Nëse ai informacion mund të merret në mënyrë anonime, atëherë nuk mund të lidhet me përdorues individualë, madje edhe më mirë. Kriptimi i të dhënave, të tilla si me certifikatat SSL të përmendura më lart, gjithashtu i bën ato më të sigurta. Në fund, merrni parasysh se ku i ruani të dhënat tuaja personale. Nëse ruhen së bashku me skedarët e webfaqes suaj është më e prekshme sesa të ruhet në distancë, mbase në të njëjtin vend ku do të mbani backup-et tuaja në distancë.

5. Zbatoni fjalëkalime të forta ose përdorni 2-step authentication

Ndërsa fjalëkalimet e forta mund të jenë një dhimbje për t’u përdorur dhe two step-authentication bën që identifikimi të zgjasë më shumë, të dy zvogëlojnë masivisht shanset që ju, punonjësit tuaj ose klientët tuaj të bien pre e një sulmi të forcës brutale (ang. brute-force attack).

Ndërsa kompjuterat dhe telefonat modernë ruajnë me siguri fjalëkalime të forta për ju, me të vërtetë nuk ka asnjë justifikim për të mos përdorur këto masa.

6. Trajnoni punonjësit tuaj në siguri

Pa dashur, punonjësit janë një shkak kryesor i shkeljeve të sigurisë kibernetike. Përdorimi i fjalëkalimeve të dobëta, klikimi i lidhjeve në postat elektronike të infektuara dhe dërgimi i informacionit të vlefshëm në email të rremë që pretendojnë të vijnë nga bosët e tyre janë të gjitha mënyra të zakonshme që kompanitë e tregtisë elektronike të kapen.

Një zgjidhje e thjeshtë është të trajnoni punonjësit tuaj në mënyrë që ata të dinë cilat janë kërcënimet dhe si t’i ndalojnë ato. Ju gjithashtu mund të vendosni një praktikë të mirë thelbësore në politikën tuaj të IT për të siguruar që stafi juaj të dijë se ata janë të detyruar të ndjekin rregullat që ju vendosni.

7. Përdorni shtojca dhe tema autentike

Ka dhjetëra mijëra tema dhe shtojca në dispozicion për platformat e ndryshme CMS dhe këto mund të merren nga një larmi resursesh online. Megjithatë, jo të gjithë janë të garantuar të jenë të sigurt. Nuk do të duhet shumë kohë që një organizatë kriminale të zhvillojë një temë ose shtojcë me një virus ose spyware të integruar dhe ta bëjë atë të disponueshëm në një webfaqe të palëve të treta si një pjesë e ligjshme e softuerit. Në të vërtetë, një temë ose shtojcë e tillë mund të funksionojë në mënyrë të përsosur pa e ditur ju se ishte infektuar.

Për të mbrojtur veten, përdorni gjithmonë softuer nga burime me reputacion dhe nga një zhvillues i verifikuar. Vendi më i sigurt është nga faqja e internetit e CMS aktuale, siç është instalimi i një teme direkt nga Repositori i WordPress. Kjo nuk do të thotë se nuk ka ndonjë zhvillues me reputacion të palëve të treta, ka. Thjesht duhet të keni kujdes.

8. Monitoroni aktivitetin e webfaqes për kërcënime

Monitorimi i webfaqes të dyqanit tuaj online mund të dallojë rreziqet dhe t’ju ndihmojë të ndaloni sulmet. Mund, për shembull, t’ju tregojë nëse dikush po bën shumë përpjekje të dështuara të hyrjes, një shenjë e qartë se mund të ketë një sulm të forcës brutale. Mund të tregojë nëse njerëzit janë duke u përpjekur të identifikohen nga vendet nga të cilat ju nuk do të prisni që vizitorët tuaj të vijnë ose nëse po përdorin emrat e përdoruesve të cilët nuk duhet të përdorin, të tilla si “Administrator”. Monitorimi gjithashtu mund të zbulojë shenjat fillestare të një sulmi DDoS dhe ta ndalojë atë para se të dal webfaqja tuaj offline.

9. Sigurohuni që softueri të azhurnohet sa më shpejt që të jetë e mundur

Kriminelët kibernetikë qëllimisht kërkojnë në internet duke kërkuar webfaqe eCommerce që run-ojnë softuer të cenueshëm. Për fat të mirë, shumica e zhvilluesve do të lëshojnë një azhurnim për të rregulluar një dobësi sa më shpejt që të zbulohet. Janë ato uebfaqe që vonojnë azhurnimin që e lënë veten hapur për sulm. Në thelb, nuk ndryshon aspak nga lënia e një dyqani të hapur brenda natës kur e dini se një hajdut gjendet në atë zonë.

10. Përdorni kopje të largëta rezervë (remote backups)

Thjesht, duke marrë kopje të rregullta rezervë, të azhurnuar dhe duke i ruajtur ato në distancë, fatkeqësitë nuk kanë nevojë të ndodhin. Nëse webfaqja juaj ‘prishet’, qoftë nga një sulm kibernetik apo ndonjë arsye tjetër, një kopje rezervë do të thotë se ajo mund të rikthehet shumë shpejt dhe biznesi juaj mund të rikthehet online brenda pak kohe.