Universiteti i Prishtinës “Hasan Prishtina” në tetë muajt e fundit ka shpenzuar 58 mijë euro për furnizim me materiale mbrojtëse kundër COVID-19.

Furnizimi me mjete mbrojtëse ishte bërë përmes një tenderi, për të gjitha njësitë akademike të UP-së”, të cilin Universiteti i Prishtinës e kishte zhvilluar me procedurë të përshpejtuar për shkak të situatës me COVID-19 në Kosovë.

Sipas dosjes së tenderit, UP ishte furnizuar me pajisje në të cilin vendoset dezinfektuesi, termometër, dezinfektues për toalet 1,000 mililitra, maska të ndryshme dhe shenja paralajmëruese për respektim të distancës e të tjera.