Në këtë artikull do të mbulojmë gjithçka që besojmë se duhet të dini rreth DNS për të menaxhuar faqen tuaj të WordPress. Ne japim një përmbledhje se si të bësh gjëra të ndryshme. Ne do të përfshijmë nameservers, MX records, addon domains dhe më shumë.

Regjistrimi i emrit të domenit

Gjëja e parë që duhet të bëni përpara se të mund të kryeni menaxhimin e domenit është regjistrimi i një domeni me një regjistrues domeni.

Një emër domaini është një sistem i përdorur nga shfletuesit për të hyrë në një adresë IP adresë specifike. Faqja juaj e internetit në fakt do të hostohet në një adresë IP, por duke blerë një emër domaini dhe duke e treguar atë në atë adresë IP, kushdo që shkruan emrin e domenit tuaj në një shfletues do të dërgohet në atë adresë. Kjo do të bëhet automatikisht nga provajderi juaj.

Shumica e njerëzve do të kenë domenet dhe hostimin e tyre me të njëjtin ofrues. Kjo ka kuptim, veçanërisht nëse ofruesi juaj i web hosting ju jep përkrahjen e nevojshme me planin tuaj të hostimit. Kjo gjithashtu do të thotë që ju keni vetëm një ofrues për t’u marrë me të. 

Pra, nëse do t’i mbani domenet dhe hostimin tuaj së bashku ose të ndarë, varet nga ju. Nëse po menaxhoni vetëm një webfaqe, ne sugjerojmë t’i bëni të dyja me të njëjtin ofrues – do të jetë më e lirë dhe më e lehtë.

Menaxhimi i domeneve me Regjistruesin tuaj

Pasi të keni blerë një domen, do të keni akses në DNS përmes faqes së internetit të ofruesit tuaj. DNS qëndron për Domain Name System, dhe janë mjetet që përdorni për të kontrolluar se ku tregon/pointon domeni juaj.

Përpara se të blini një emër domaini, kontrolloni që regjistruesi juaj t’ju japë akses të plotë DNS. Disa nga ofruesit më të mëdhenj ose më të lirë nuk e bëjnë këtë. Ne besojmë se çdo pronar i faqes së internetit duhet të ketë akses të plotë në të gjitha mjetet që u nevojiten për të menaxhuar domenin, hostimin dhe uebsajtin e tyre – kështu që ju rekomandoj fuqimisht të shmangni ofruesit si këta.

Kur hyni në ndërfaqen e menaxhimit të DNS të ofruesit tuaj, do të keni disa opsione. Këto janë ato që keni më shumë gjasa të përdorni:

• Nameservers – përdorni këtë për të drejtuar domenin tuaj te një ofrues tjetër i hostimit. Kjo ridrejton gjithçka: faqe interneti, email, FTP – gjithçka. Nëse nuk i ndryshoni nameservers, ata do të jenë të paracaktuar në serverët e regjistruesit tuaj të domenit. Kjo është ajo që ju nevojitet nëse keni edhe hostin tuaj me ta, kështu që nuk do të keni nevojë të ndryshoni asgjë.
• A record – duke redaktuar rekordin A, ju mund ta drejtoni domenin tuaj në një adresë IP. Përdoreni këtë nëse dëshironi të drejtoni domenin tuaj në një adresë IP të ndryshme nga ajo e dhënë nga regjistruesi juaj i domenit. Ajo ndikon vetëm në faqen e internetit, jo ndonjë llogari emaili në atë domen.
• CNAME – rekordi CNAME funksionon në mënyrë të ngjashme me regjistrimin A, por në vend që të shkruani një adresë IP, ju përdorni një emër domeni. Kështu që ju do ta përdorni këtë për të drejtuar domenin tuaj në një domen tjetër. Një shembull mund të jetë nëse keni regjistruar një adresë .com dhe .net (ose një adresë lokale si .al) dhe dëshironi të ridrejtoni njërën te tjetra.
• MX records – kjo specifikon serverin ku keni bërë hostimin e emailit tuaj.

Të gjitha këto mund të redaktohen nëpërmjet sistemit të regjistruesit tuaj, dhe disa mund të redaktohen edhe nëpërmjet cPanel. Ne rekomandojmë përdorimin e cPanel ku është e mundur pasi ju jep më shumë fleksibilitet.

Shënim: Hostinkos gjithashtu ofron Menaxhim DNS për klientët e vet. 

Ridrejtimi, Shtimi dhe Parkimi i Domeneve

Për shumicën e pronarëve të faqeve të internetit, ju do ta mbani domenin tuaj në serverët e ofruar nga regjistruesi juaj dhe kompania e hostimit dhe nuk do të keni nevojë të bëni ndonjë ndryshim. Por nëse keni domene të shumta që tregojnë në të njëjtin websajt, jeni duke përdorur një ofrues dhe regjistrues të ndryshëm web hosting ose jeni duke përdorur WordPress Multisite me Domain Mapping, do t’ju duhet të dini se si të ridrejtoni domenin(et) tuaj.

Ndryshimi i nameservers

Nëse faqja juaj e internetit nuk është e organizuar me regjistruesin tuaj të domenit, do t’ju duhet të vendosni serverë të personalizuar të nameservers. Çdo regjistrues domeni do të ketë një ndërfaqe të ndryshme për ta bërë këtë.

Ofruesi juaj i hostimit do t’ju japë detaje të nameservers që duhet të përdorni kur të krijoni llogarinë tuaj me ta: do të jenë të paktën dy.

Pasi ta keni bërë këtë, të gjitha aspektet e domenit tuaj do të tregojnë nameserver-ët e rinj – kështu që çdo menaxhim i domenit do të bëhet me ofruesin tuaj të hostimit. Nuk do t’ju duhet të hyni përsëri në ndërfaqen e regjistruesit të domenit tuaj.

Ridrejtimi i domeneve

Ndonjëherë ju do të dëshironi të ridrejtoni një domen në një domen tjetër. Shembuj të kësaj përfshijnë:

• Ju keni regjistruar versione të shumta të emrit tuaj të domenit dhe dëshironi që të gjithë të tregojnë në të njëjtin vend.
• Ju keni më shumë se një emër domaini, por vetëm një webfaqe (për shembull, biznesi juaj tregton me dy emra ose keni regjistruar një domen me emrin e biznesit tuaj dhe një tjetër që përshkruan atë që bëni).
  Ju duhet të drejtoni përkohësisht një domen ndërsa zhvilloni një wegbsajt të ri.

Ka disa opsione për ridrejtimin e domenit:

• Përdorni rekordin CNAME me ofruesin tuaj të domenit për të ridrejtuar në një emër tjetër domeni.
• Përdorni rekordin A për të ridrejtuar në një adresë tjetër IP.
• Në cPanel (të cilin do ta merrni me llogarinë tuaj të hostimit), përdorni opsionin Redirects dhe shtoni çdo emër domain të ridrejtuar përmes asaj ndërfaqe.

Krijimi i domeneve addon

Një domen addon është një domen shtesë që përdorni brenda llogarisë suaj të hostimit për të krijuar një faqe interneti shtesë. Pra, nëse dëshironi të ekzekutoni më shumë se një faqe interneti, nuk keni nevojë të paguani për llogari të shumta të hostimit – në vend të kësaj, krijoni një domen addon dhe drejtoni faqen tuaj të dytë duke përdorur atë.

Ju krijoni domene shtesë në cPanel me ofruesin tuaj të hostimit. Pasi të keni krijuar një të tillë, një nëndirektori do të shtohet në llogarinë tuaj që korrespondon me atë domen. Instaloni WordPress në atë nëndirektori dhe do të duhet të zgjedhet në domenin shtesë, jo në domenin në root direktorinë tuaj.

Shënim: përpara se të krijoni një addon domen, sigurohuni që të jetë drejtuar në të njëjtin server si domeni juaj kryesor. 

Parking Domains

Një tjetër opsion në cPanel për të pointuar një domen në faqen tuaj është përdorimi i një domeni të parkuar (ang. parking domains). Ky është i ndryshëm nga një addon domen në atë që nuk krijon një dosje për një webfaqe të re. Është gjithashtu i ndryshëm nga një ridrejtim (ang. redirect) pasi që ju jep akses në mjetet e menaxhimit të domenit në cPanel për domenin tuaj, siç është emaili.

Për të parkuar një domen, shkoni te Parking Domains në cPanel dhe shtoni domenin që dëshironi të parkoni. Ju gjithashtu mund të menaxhoni çdo domen që kaeni parkuar direkt nga cPanel. E cila është e dobishme në veçanti për email.

Domenët dhe Email

Domenët nuk përdoren vetëm për faqet e internetit: ato aplikohen edhe për email. Për të hostuar emailin tuaj në një server tjetër, do t’ju duhet të përdorni MX Records. Ju mund ta bëni këtë përmes ndërfaqes së regjistruesit tuaj të domenit, por është më e lehtë në cPanel.

P.sh. Ju mund të futni manualisht të dhënat MX për Gmail ose nëse ofruesi juaj ju jep opsionin, bëjeni atë me një klik. Hostinkos ju jep një ndërfaqe në cPanel ku mund ta bëni këtë lehtësisht.

Nëse dëshironi të mbani së bashku hostimin dhe emailin tuaj, kjo është gjithashtu në rregull! Hostinkos ofron hostim falas të email për klientët.

Po ju? A keni ndonjë truk për menaxhimin e llogarive DNS, hosting ose email – do të donim të dëgjonim nga ju në komente.