Sulmi i fundit që u është bërë minibibliotekave në Prishtinë është demolimi i minibibliotekës në lagjen “Qafa”, me qëllimin e shitjes për hekur.

Minibiblioteka në lagjen “Qafa” është vjedhur e copëtuar për skrap. Në një video që bartësve të projektit u është adresuar, një person shihet tek e copëton atë dhe e ngarkon në karrocë dore.

Një situatë e tillë ka shtyrë organizatën “ETEA”, që të marrë vendim për të larguar 9 prej 12 minibibliotekave që u inauguruan në fund të 2019-të, e që gati asnjëherë nuk u bënë funksionale.

Bartësit e këtij projekti tani po synojnë që tri prej tyre në sheshet kryesore të Prishtinës të provojnë edhe një herë t’i funksionalizojnë.