Ne kemi bërë tashmë disa postime mbi sigurinë dhe mirëmbajtjen e WordPress, megjithatë, ne mendojmë se është shumë pak nga ana jonë. Sepse siguria e WordPress është një temë me rëndësi të madhe për çdo pronar uebsajti dhe do të vazhdojë të jetë më e diskutuara në vitet e ardhshme.

WordPress është një platformë e sigurt, por faqet individuale mund të kenë dobësi dhe sulmuesit janë të pamëshirshëm. Përfshirja e masave të shumta të sigurisë në vend ndihmon në parandalimin e sulmit të faqes suaj të internetit, duke ju kursyer kohën dhe problemet që nevojiten për të pastruar dhe rindërtuar.

Pra, i gjithë ky postim i dedikohet sigurisë së WordPress, ne do të ndajmë të gjitha këshillat dhe udhëzuesit tanë më të mirë për të ndihmuar në mbrojtjen e webfaqes tuaj kundër hakerimit të WordPress në 2022.

1. Mbani WordPress të përditësuar

Siç e dini, WordPress është një softuer falas që përditësohet rregullisht. Është një sistem i menaxhimit të përmbajtjes që instalohet automatikisht me përditësime të vogla të njëpasnjëshme. Sidoqoftë, për versionet kryesore, duhet të fillojmë manualisht përditësimin. Mënyra më e mirë për ta mbajtur faqen tuaj të WordPress të sigurt është të siguroheni që ajo të jetë gjithmonë e përditësuar. Kjo nënkupton përditësimin e softuerit bazë të WordPress, së bashku me çdo temë dhe shtojcë që keni instaluar. Bërja e kësaj një detyrë të rregullt mirëmbajtjeje është një nga pjesët më të rëndësishme të drejtimit të webfaqes tuaj.

2. Siguroni hyrjen tuaj të administratorit me fjalëkalime të forta

Hakerët shpesh përpiqen të kenë akses në webfaqen tuaj të WordPress përmes panelit të hyrjes së administratorit, sepse pronarët e faqeve të internetit nuk zgjedhin gjithmonë fjalëkalime të forta. Hakerët përdorin mjete të automatizuara të forcës brutale, të cilat i lejojnë ata të provojnë kombinime të pafundme për të gjetur fjalëkalimin tuaj.

Sa më i ndërlikuar fjalëkalimi juaj, aq më e vështirë do të jetë për ta që ta thyejnë atë, kështu që është gjithmonë mirë të përdorni një fjalëkalim që është një kombinim shkronjash, numrash dhe simbolesh me një minimum prej 12 deri në 20 karaktere. Një hap tjetër për të siguruar hyrjen tuaj të administratorit është përdorimi i një emri unik përdoruesi të administratorit. Emri i parazgjedhur i përdoruesit të WordPress është zakonisht ‘admin’. Hakerët e dinë këtë dhe kështu mund të fokusojnë përpjekjet e tyre vetëm në thyerjen e fjalëkalimit. Ndryshimi i emrit të përdoruesit kërkon që ata ta marrin me mend edhe këtë. Pra, është më mirë të vendosni emrin e përdoruesit tuaj të personalizuar kur instaloni WordPress. Është gjithashtu më mirë të shtohet teknika e vërtetimit me dy faktorë ku përdoruesve u kërkohet të identifikohen duke përdorur një metodë vërtetimi me dy hapa.

3. Pastroni webfaqen dhe sistemin tuaj

Megjithëse WordPress e mban webfaqen tuaj të sigurt nga shumë dobësi, hakerët ende mund të gjejnë mënyra për të hyrë në të. Mund të mos vini re as ndonjë gjë të gabuar me webfaqen tuaj në fillim, edhe pasi dikush ka depërtuar dhe ka vjedhur informacione ose ka postuar përmbajtjen e tij. Një skaner sigurie WordPress si Sucuri, Malcare Security mund t’ju ndihmojë të dalloni problemet e fshehura dhe të merrni masa për t’i adresuar ato menjëherë. Përpara se të filloni çdo proces pastrimi, bëni një kopje rezervë të webfaqes suaj, sepse pavarësisht se është hakuar, ajo mund të përmbajë shumë informacione të vlefshme për ju.

Përditësoni rregullisht OS, softuerin dhe shfletuesit në kompjuterin tuaj. Nëse kompjuteri juaj fillon të veprojë çuditërisht, duke shfaqur reklama dhe gjëra të tjera, kontrollojeni përpara se të hyni në faqen tuaj të internetit. Përdorni një softuer antivirus komercial të sigurt dhe të besueshëm si F-secure për pastrimin e sistemit.

4. Zgjidhni një web host të sigurt të WordPress

Shërbimi juaj i hostimit të WordPress luan një rol jetik në sigurinë e faqes suaj të internetit WordPress. Një ofrues i mirë i hostimit të përbashkët si Hostinkos marrin masa shtesë për të mbrojtur serverët e tyre kundër kërcënimeve të zakonshme dhe do të monitorojnë vazhdimisht faqen tuaj për çdo aktivitet të dyshimtë.

5. Instaloni një shtesë sigurie dhe të kopjeve rezervë

Një shtojcë sigurie dhe krijimit të backup-it mund të jetë efektive për të siguruar sigurinë e WordPress tuaj. Backup-et janë mbrojtja juaj e parë kundër çdo sulmi të WordPress. Kjo ju lejon të rivendosni shpejt faqen tuaj të WordPress në rast se do të ndodhte diçka e keqe. Ka disa shtojca falas dhe me pagesë të WordPress që mund t’i përdorni. Mos harroni gjithmonë të ruani kopjet rezervë të faqes së plotë në një vendndodhje të largët dhe jo në llogarinë tuaj të hostimit.

Pas kopjeve rezervë, gjëja tjetër që duhet të bëni është të instaloni dhe aktivizoni një shtojcë sigurie që kontrollon dhe monitoron faqen tuaj dhe mban gjurmët e gjithçkaje që ndodh në faqen tuaj të internetit. Kjo përfshin monitorimin e integritetit të skedarëve, përpjekjet e dështuara për kyqje, skanimin e malware, etj. Shtojca e sigurisë është një nga mënyrat e mira për të forcuar sigurinë e WordPress duke shtuar veçori që nuk janë të disponueshme në versionin bazë të WordPress: administrimi i mbrojtjes (back office) i WordPress, bllokimi i adresave të dyshimta IP, personalizimi i skedarit .htaccess, mbrojtja nga sulmet XSS ose Malware, etj.

6. Shtoni një firewall të web aplikacionit (WAF) në webfaqen tuaj

Një firewall i web aplikacionit (WAF) kujdeset për trafikun e faqes suaj të internetit dhe filtron sulmet e mundshme, duke lejuar ende trafikun e rregullt. Kjo shtresë shtesë e mbrojtjes funksionon mirë në kombinim me skanimet tuaja të sigurisë, për të zbuluar çdo kërcënim që nuk trajtohet nga përditësimet më të fundit të WordPress. Firewall i webfaqes të nivelit DNS drejton trafikun e faqes suaj të internetit përmes serverëve të tyre proxy cloud. Kjo u lejon atyre të dërgojnë vetëm trafik të vërtetë në web serverin tuaj. Ndërsa Firewall i nivelit të aplikacionit si Sucuri ekzaminon trafikun sapo të arrijë në serverin tuaj, por përpara se të ngarkojë shumicën e skripteve të WordPress. Kjo metodë nuk është aq efikase sa firewall i nivelit DNS në reduktimin e ngarkesës së serverit.

7. Zhvendosni webfaqen tuaj në SSL/HTTPS

Secure Sockets Layer (SSL) është një protokoll që kodon transferimin e të dhënave midis faqes suaj të internetit dhe shfletuesit të përdoruesve. Ky kriptim e bën më të vështirë për dikë që të shikojë dhe të vjedhë informacion nga webfaqja juaj. Pasi të aktivizoni SSL, faqja juaj e internetit do të përdorë HTTPS në vend të HTTP, do të shihni gjithashtu një shenjë dryni pranë adresës së faqes suaj të internetit në shfletues.

Tani, është më e lehtë se kurrë të filloni të përdorni SSL për të gjitha faqet tuaja të internetit të WordPress. Shumë kompani të hostimit tani po ofrojnë një certifikatë falas SSL për webfaqen tuaj të WordPress.

8. Çaktivizoni Directory Indexing dhe Browsing

Shfletimi i drejtorive mund të përdoret nga hakerët për të zbuluar nëse keni ndonjë skedar me dobësi të njohura, në mënyrë që ata të mund të përfitojnë nga këta skedarë për të fituar akses.

Mund të përdoret gjithashtu nga njerëz të tjerë për të parë skedarët tuaj, për të kopjuar imazhe, për të gjetur strukturën e drejtorisë tuaj dhe informacione të tjera. Kjo është arsyeja pse sugjerohet që të çaktivizoni indeksimin dhe shfletimin e drejtorive.

Për të çaktivizuar shfletimin dhe indeksimin e drejtorive, duhet të lidheni me faqen tuaj të internetit duke përdorur menaxherin e skedarëve FTP ose cPanel. Më pas, gjeni skedarin .htaccess në root direktorinë të webfaqes suaj. Pas kësaj, duhet të shtoni rreshtin e mëposhtëm në fund të skedarit .htaccess:

Options -Indexes

Mos harroni të ruani dhe ngarkoni skedarin .htaccess përsëri në webfaqen tuaj.

9. Çaktivizo File editing dhe PHP File Extension

WordPress vjen me një redaktues kodi të integruar i cili ju lejon të modifikoni skedarët e temës dhe shtojcave direkt nga zona juaj e administratorit të WordPress. Por, kjo veçori mund të jetë një rrezik sigurie, prandaj rekomandojmë ta çaktivizoni atë. Ju mund ta bëni këtë lehtësisht duke shtuar kodin e mëposhtëm në skedarin tuaj wp-config.php:

// Disallow file edit

define( ‘DISALLOW_FILE_EDIT’, true );

Një mënyrë tjetër për të forcuar sigurinë tuaj të WordPress është duke çaktivizuar ekzekutimin e skedarit PHP (ang. PHP file execution) në drejtoritë ku nuk është e nevojshme si p.sh. /wp-content/uploads/. Ngjitni kodin e mëposhtëm në një redaktues teksti si NotePad dhe ruajeni këtë skedar si .htaccess dhe ngarkojeni në follderët /wp-content/uploads/ në webfaqen tuaj duke përdorur një klient FTP.

<Files *.php>

deny from all

</Files>

Për ta përmbledhur, mbajtja e sigurt e faqes suaj të internetit nuk është aspak një detyrë frikësuese. Ju duhet të vendosni mburoja të ndryshme sepse sulmet mund të vijnë nga çdo anë. Shpresojmë që ky artikull t’ju ndihmojë të mësoni praktikat më të mira të sigurisë së WordPress. Nëse keni disa këshilla të vlefshme sigurie, ju lutemi shtoni në komente. Ne do të vazhdojmë dhe do ta shtojmë atë në postim.